Kryeministri i vendit Edi Rama, ka zhvilluar ditën e sotme sesionin e katërt online me studentët të cilët kanë aplikuar në projektin qeveritar “Gati për Shqipërinë”. Të rinjtë kanë bërë një prezantim të shkurtër të CV-së së tyre para kryeministrit. Gjithashtu Rama ka bërë me dije se mënyra që ai po përdor vlen për të njohur aplikantët si dhe eksplorimin në fusha të ndryshme.
“Kënaqësi të bashkëbisedonim edhe këtë herë me aplikantët për nismën #GatiPërShqipërinë. Ky cikël sesionesh online sipas fushave, na mundëson njohjen me të interesuarit dhe eksplorimin së bashku të mundësive e formave të bashkëpunimit me ta. Ndërkohë aplikimet vazhdojnë të priten në adresën [email protected]”, shkruan Rama.
Në përfundim të bashkëbisedimit të tyre online, kryeministri Edi Rama iu ka bërë thirrje që të bëjnë durim dhe të mos tërhiqen në rast se shihet se ka vonesa.
“Bëni durim dhe të mos tërhiqeni në rast se shihni që ka vonesa, se mund të bëni komunikim me ministrat dhe pastaj mund të mendoni se u harruat, për këtë arsye do ju lutesha që të mbani kontakt me Borën, që takuam ministrin, por këto s’më takojnë, çdo gjë mund të ndodh se jetojmë në Tiranë, kështu që mbani kontaktin me Borën për çdo gjë që nuk shkon dhe Bora është në kontakt me mua për çdo gjë”, tha kryeministri.
