Shefi i Tottenhamit, Jose Mourinho thotë se ai nuk mund t’i japë anësorit Gareth Bale minuta në fushë, duke këmbëngulur se ai duhet të luftojë për t’i fituar ato. Bale ende nuk ka bërë një paraqitje të mirë dhe ndikim të madh te ekipi që nga ribashkimi në një huazim sezonal nga Real Madrid.
I penguar nga sëmundja dhe dëmtimi, paraqitjet e tij në Premier League kanë qenë të kufizuara edhe pse ai është paraqitur rregullisht në Europa League. Ai gjithashtu erdhi si një zëvendësues në fitoren 5-0 kundër Marine në raundin e tretë të Kupës FA më 10 janar.
Mourinho insistoi në fillim të këtij muaji se nuk kishte pasur ndonjë diskutim në lidhje me të ardhmen e Bale në klub pasi raportet dolën që sugjerojnë se klubi nuk do të kërkojë ta mbajë atë në sezonin e ardhshëm, për shkak të paraqitjes së tij.
Portugezi thotë se Bale mund të luajë në ndeshjen e së hënës në Kupën FA në Wycombe Wanderers, por ai këmbëngul që çdo minutë në fushë duhet të fitohet.
“Unë nuk mund t’u jap lojtarëve minuta, minuta në fushë nuk është diçka që mund të jap, kështu që nuk po shkoj në këtë drejtim,” tha ai.
