Këtë të premte po shqyrtohen kandidaturat dhe do të zgjidhet kryetari i ri i SPAK, i cili do të pasojë Arben Krajën. Adnan Xholi, një nga 3 prokurorët të cilët kandidojnë për kreun e SPAK gjatë prezantimit të tij para trupës së KLP deklaroi se e vlerëson punën e deri tanishme , por sipas tij duhet të ecet me hapa më të mëdhenj në luftën kundër krimit të organizuar dhe korrupsionit.
Xholi tha se është i gatshëm dhe i plotëson kriteret për të qëndruar në krye të SPAK, duke sjellë në vëmendje edhe çështjet që ka hetuar në kohën që ka qenë drejtues i Prokurorisë së Krimeve të Rënda, që kanë pasur vëmendje të lartë në publik, ndërsa tha se si prokuror ka marrë në pyetje zyrtarë të lartë që nuk i kishin parë më herët dyert e drejtësisë.
“Nuk jam në kushte konflikti interesi me askënd. Jam një nga kandidatët për kreun e SPAK, duke vlerësuar se plotësoj kriteret e KLP për këtë detyrë, me bindjen se kam aftësitë e duhura profesionale dhe menaxhuese për drejtimin e Prokurorisë së Posaçme. Kjo prokurori është tashmë e konsoliduar falë punës suaj dhe ndihmesës së partnerëve tanë ndërkombëtarë. Është trupa më profesionale e prokurorëve dhe jam krenar që punoj me ta.
Por krahas rezultateve të shkëlqyera, SPAK këto tre vite, mendoj se ka ardhura momenti që trupa e prokurorëve të vijojë me hapa më të mëdhenj kundër krimit dhe korrupsionit në nivele të larta. Për t’u përballur me publikun do duhet të kemi hetime konkrete në kohë të shpejtë duke u bazuar vetëm në prova.
Vij sot këtu si kandidati që ka mbi 24 vite eksperiencë në Prokuroi pa shkëputje. Karriera ime ka pasur një ngritje të vazhdueshme dhe konsistente.
Për 8 muaj kam qenë drejtueses i Prokurorisë së Krimeve të Rënda. Më rastisi të jem drejtues, por prokurori dhe drejtues i grupit të hetimit në çështjen që ishin të akuzuar dy deputetë të Kuvendit, hetime të cilat janë mbyllur për 17 ditë, janë thirrur dhe janë pyetur zyrtarë më të lartë të shtetit që nuk kishin parë ndonjëherë dyert e drejtësisë, nga kryeministër, ish-kryeministër e zyrtarë të lartë.
Jam angazhuar dhe kam kërkuar heqjen e mandatit të dy deputetëve në detyrë, dhe Kuvendi vendosi për të dhënë autorizimin.
Çështje tjetër që ka vëmendjen të lartë, ka qenë vrasja e një zyrtari të lartë i policisë së shtetit, dhe mori pafajësinë nga shkalla e parë. Gjatë fazës së gjykimit në apel, falë animimit që u bë dhe nga ana ime u arrit që vendimi të ndryshoj nga pafajësi në vendim fajësie dhe dënimin më të rëndë, me burgim të përjetshëm.
Kam marrë pjesë në ngjarjet më të rënda kriminale pas 1997, në këto çështje ish-prokuroria e krimeve të rënda u kthye si “Big Brother”, nga mëngjesi deri në darkë ishin aty mediat dhe i falënderoj për vëmendjen”, u shpreh ai.
