Pas shpalljes së garës për drejtor qarqesh, Drejtori i Përgjithshëm i Policisë së Shtetit, Ilir Proda, ka lëshuar një urdhër për Drejtorinë e Standardeve, e cila do të administrojë dosjet personale për çdo drejtues që konkurron.
Urdhri ka për qëllim që të vlerësojë realisht performanca e kandidatëve, duke u mbështetur në treguesit nominalë të arritur nga secili në detyrën që ka ushtruar më parë.
Kjo do të thotë se komisioni i vlerësimit do të ketë një pasqyrë të detajuar mbi performancën e kandidatëve në një dosje të përbashkët, e cila do të mundësojë një vlerësim objektiv dhe të bazuar në rezultate konkrete.
