Në protestën e dhunshme ne Capitol Hill merrte pjesë edhe John Alite, një prej gangsterëve më të njohur shqiptar në botë. Dikur pjesë e mafies italiane dhe i lidhur me familjen “Gambino”, të cilën e mposhti më vonë pasi bashkëpunoi me FBI-në,
Alite ka qenë dje mes protestuesve dhe mbështetësve të Presidentit Donald Trump, të cilët tentuan të bllokonin procesin e numërimit të votave në Kongresin Amerikan, për kalimin e presidencës te Joe Biden.
Gangsteri shqiptar shfaqet me një bluzë të kuqe me shqiponjë, mes protestuesve dhe shkrep foto me ta.
John Edëard Alite, në vitet ’80- ’90 ishte pjesë e familjes mafioze Gambino. Ai ishte krahu i djathtë i mafiozit italian John Gotti. Në vitet 2000, ish mafiozi me origjinë shqiptare mori arratinë, kur mësoi se ata që i kishte konsideruar pjesë të familjes, kishin vënë një çmim për kokën e tij. Zgjodhi të ishte mafioz për para. Ai donte të forconte pozitën e tij në grupin Gambino, dhe më të shumtën e krimeve, i kreu me udhër të John Angelo Gotti-t, të riut, e ndonjëherë me urdhër të babait të Junior-it, John Joseph Gottit.
Si pasojë e përplasjave të dhunshme që u regjistruan dje para dhe brenda Kongresit, 4 qytetarë amerikanë humbën jetën. 1 grua e re u qëllua brenda godinës me një plumb në gjoks dhe ndërroi jetë në spital, ndërsa 3 persona të tjerë vdiqën për shkak të “urgjencave mjekësore”.
/Gazetareforma.com/
