Sergio Busquets, kapiteni i ekipit spanjoll, ka folur në lidhje me performancën e deritanishme të “Furia Roja”, në Euro 2020 dhe gabimin e tij në penalltinë e parë ndaj Zvicrës. Pavarësisht nga koha shtesë dhe penalltitë ndaj Zvicrës, Sergio siguroi se ata ishin në gjendje të shikonin ndeshjen e italianëve kundër Belgjikës së Roberto Martínez:
“Kishte shokë skuadre që qëndruan dhe ne e pamë atë në dhomën e zhveshjes. Ishte skuadra më e mirë në fazën e grupeve. Ata vuajtën në raundin e dytë – kundër Austrisë – por ata ishin më të mirë se një ekip i shkëlqyeshëm si Belgjika në çerekfinale”, tha ai për rivalët e Spanjës në gjysmëfinale.
Mesfushori i Barcelonëës e shmangu rolin e favoritit.
“Nuk më pëlqen të jem favorit. Është në 50 me 50. Nëse ata duan, ata mund të jenë favoritët”, tha ai.
Lidhur me këtë ekip spanjoll, një nga surprizat e mëdha të turneut, Busquets theksoi se është një ekip që ka pësuar një rindërtim. Mesfushori katalanas u zgjodh kapiten në mungesë të Sergio Ramos, ndërsa konfirmoi se do ishte aty sa herë skuadra të kishte nevojë. Ai komentoi zgjedhjet e trajnerit Luis Enrique në këtë kampionat duke thënë se ai i vlerëson lojtarët sipas performancës.
I pyetur nëse do të gjuante një penallti kundër Italisë, Busquets ishte i prerë: “Po, po. Sigurisht, nëse unë jam duke luajtur dhe trajneri vendos kështu … Unë kam besim të plotë”, u shpreh kapiteni.
