Rritja e çmimeve veçanërisht e naftës, ka ngjallur një kaos të vërtetë në vend.
Shoqata e transportit publik ka bërë rezistencë duke reduktuar ndjeshëm numrin e urbanëve në qarkullim, gjë e cila bën që qytetarët të përjetojnë çdo ditë një tmerr.
Fakt është që çmimi i naftës ne bursën ndërkombëtare është rritur gjatë ditëve te fundit. Dhe kjo gjë siç ndodh zakonisht është reflektuar dhe në Shqipëri.
Megjithatë stabilizimi i tregjeve ndërkombëtare ka nisur të sjellë ndryshime dhe ne çmimin e karburanteve ne vendin tone. Nga sot dhe ne vazhdim vlera e një litri karburant ne treg do te jete si me poshtë:
Diezel 223 leke
Benzine 95 223 leke
Benz.100 ok 245 leke
Gazi nuk ndryshon.
Qeveria nga ana e saj ka njoftuar ngritjen e një bordi te posaçëm qe do te kryeje monitorime dhe do te marre masa për moslejimin e abuzimeve me çmimin e karburanteve.
Pasojat e luftës ne Ukrainë kane ndikuar ndjeshëm dhe ne çmimet e produkteve te tjera, kryesisht ato ushqimore për te cilat Shqipëria është e varur nga eksportet ndërkombëtare. Këto pasoja kane nisur te ndihem qartas ne Evropë dhe ne vendet e Ballkanit ndërsa çmimet kane pësuar rritje te ndjeshme ne disa shtete.
Si çdo herë tjetër edhe kësaj here, AK ka hapur një hetim për tregun e karburanteve, përfundimin e të cilit e dimë të gjithë.
Kjo është një tjetër shfaqje për sy e faqe e Denar Bibës, i cili bën sikur monitoron shkeljet në Shqipëri dhe nuk i jep asnjë zgjidhje situatës, ashtu siç ndodhi me hetimin për tregun e miellit.
Çmimi u rrit i unifikuar, në të njëjtën vlerë nga të gjithë distributorët, fabrikat e dyqanet në gjithë Shqipërinë, ndërsa ky vendim u mbështet sërish nga Denar Biba dhe AK, i cili në fakt ka detyrim ligjor të ndalojë e ndëshkojë zhvatësit.
