Një tragjedi ka ndodhur në ujërat greke, ku një gomonie me emigrantë është fundosur.
Ndërkohë autoritet greke kanë bërë të ditur se dhjetëra refugjatë besohet se kanë vdekur pasi një gomone me rreth 50 persona, u mbyt në ishullin Folegandros.
Pothuajse 24 orë pasi operacioni i shpëtimit filloi të martën vonë, zyrtarët e rojes bregdetare thanë se nuk kishte gjasa të gjendeshin të mbijetuar.
“Përpjekjet do të vazhdojnë, por në ujërat shumë të ftohta dhe shumë të thella, gjasat për të gjetur dikë të gjallë po pakësohen nga ora në orë”, ka thënë Nikos Kokkalas, zëdhënësi i rojes bregdetare helene.
Sipas informacioneve, gomoniua kishte një kapacitet prej 10 personash, por në të kishin hipur 27 persona, si pasojë i është shkëputur tërësisht fundi dhe të gjithë kanë rënë në det. Asnjë nga emigrantët nuk kishte veshur jelek shpëtimi.
Operacioni, i cili vazhdon, përfshin dy anije detare, një helikopter super puma, një helikopter të ushtrisë greke, një anije të forcave të NATO-s, tre anije peshkimi dhe tre anije lundruese.
Të mërkurën vonë, shpëtimtarët kishin gjetur trupin e vetëm një burri, ka bërë të ditur ai.
Incidenti vjen më pak se pesë ditë pasi zyrtarët e OKB-së për migracionin thanë se 164 persona ishin mbytur në brigjet e Libisë, tani pika dominuese e tranzitit për njerëzit që ikin nga lufta dhe varfëria në Afrikë dhe Lindjen e Mesme.
