Prokuroria e Tiranës kërkon arrest me burg për 3 infermieret dhe sanitaren tek ‘’Shefqet Ndroqi’’. Bëhet fjalë për Sheqerie Koçin, sidorela Çelën, Mira Bushin dhe sanisatren Rukije Hoxha, të cilat kishin fshirë bisedat me Tire Alldervishin për të fshehur provat.
Në fillim u zbulua sanitarja Tire Alldervishi e cila duke u hequr si infermiere i kishte zhvatur familjares së një pacienteje 8 milionë lekë të vjetra, duke mos i shërbyer nënës së saj. Më pas erdhën dhe 4 arrestimet e tjera.
Të gjitha punonjëset e ‘’Shefqet Ndroqit’’ të cilat kishin krijuar një skemë kriminale brenda spitalit për të zhvatur pacientët me COVID-19 dhe familjarët e tyre akuzohen për shpërdorim detyre dhe mashtrim.
Kujtojmë se Prokuroria përmend po ashtu dëshminë e një pacienti dhe një të afërmi që pranojnë se kanë dhënë bakshishe për infermieret, edhe pse nuk përmenden rrethanat kur kjo ka ndodhur.
Në episod po ashtu nuk përmendet, nëse infermieret apo sanitarja Rukije Hoxha, e cila del vetëm tërthorazi në biseda, kërkonin shpërblim për shërbimet apo kishin pranuar bakshishe nga të afërmit e pacientëve. Prokuroria thotë se po vijon hetimet edhe për persona të tjerë të përfshirë.
Emisioni Stop në Tv Klan publikoi mesazhet e pacientes që humbi jetën nga koronavirusi tek Sanatoriumi, ku i lutej dhe përgjërohej sanitares Tire Alldërvishi që t’i jepte bukë dhe ujë.
