NATO ka marrë masat e nevojshme në krahun lindor të Evropës, duke u përgatitur kështu që të jenë në gadishmëri nga sulmet e Rusisë.
Aleanca thuhet se po përshpejton zbatimin e planeve të parashtruara në samitin e Vilniusit në 2023 për të përballuar një sulm të mundshëm nga Moska.
Sipas informacioneve jozyrtare, të paktën 100 mijë ushtarë të NATO-s janë pozicionuar në Poloni, janë të trajnuar dhe gati për veprim.
“Forca e reagimit të shpejtë”, e cila për vite ka qëndruar inaktive, sot është kthyer në shtyllën më të rëndësishme të strategjisë së mbrojtjes.
Vetëm pak muaj më parë, në Poloni gjendeshin vetëm 40 mijë trupa, ndërsa tani shteti është kthyer në epiqendër të operacioneve të aleancës.
Gjithashtu NATO po i kushton një vëmendje të madhe mbrojtjes së hapësirës ajrore. SHBA luajnë një rol kyç sa i përket planit ushtarak dhe politiko-diplomatik dhe rekomandojnë përmbajtje.
