Bashkë me valën e dytë të koronavirusit në Itali është kthyer edhe frika dhe numri i lartë i infektimeve dhe i vdekjeve.
Në 24 orët e fundit në të gjithë territorin e Italisë kanë vdekur 630 persona dhe janë infektuar 22,930 të tjerë. Me bilancin e sotëm numri i përgjithshëm i viktimave ka shkuar në 50,453, ndërsa numërohen në total 1,431,795 të infektuar që prej fillimit të shpërthimit.
Por një lajm i mirë është fakti që të shëruarit kanë arritur numrin 584 493, ndërsa në gjendje kritike janë më shumë se 3800 persona.
Gjatë muajve të pranverës Italia u konsiderua ndryshe edhe si epiqendra e Covid-19 në Europë.
Ndërkohë qeveria Conte po zbaton masa të rrepta izolimi për zona të ndryshme, edhe pse duhet thënë se në qytete të ndryshme të Italisë ka pasur edhe revolta të qytetarëve për masat shtrënguese.
/GazetaReforma.com/
