Televizioni informativ, “Abc News” nuk do të ketë më pronar Aleksandër Frangajn.
Ky i fundit, i ka shitur aksionet e tij, te kompania “A.B.C MANAGEMENT”, shkruan “Report tv”.
Kompania blerëse me pronare shtetasen greke, Efthymia Gkouma, është e re dhe tërësisht e panjohur për tregun shqiptar.
Nuk dihet nëse Znj. Gkouma është blerësi i vërtetë, apo pas saj fshihet ndonjë biznesmen tjetër shqiptar.
Pak kohë më parë është përfolur se interes për të blerë aksionet e “Abc News”, ka pasur një prej spitaleve private në vend.
Bazuar në kontratën e shitjes, kompania e re përveç vlerës së aksioneve, duhet të paguajë dhe 1.4 milion euro detyrime që televizioni ka pasur ndaj furnitorëve, ose detyrime qiraje.
Gjatë vitit 2018, “Abc News” shënoi një rënie në masën 30% të të ardhurave.
