Ministri i jashtëm i Francës i tha Rusisë të enjten se Bashkimi Evropian do të vinte përgjegjës Presidentin Vladimir Putin dhe autoritetet ruse nëse kritiku i Kremlinit Alexei Navalny vdes në burg dhe tha se blloku do të vendoste sanksione të reja.
44-vjeçari Navalny, i cili vitin e kaluar i mbijetoi një sulmi me agjent nervor që autoritetet ruse mohuan të kryenin, është i dobët si pasojë e grevës së urisë dhe aleatët e tij thonë se ai rrezikon dështimin e veshkave ose arrestin kardiak.
“Ky sulm i pamëshirshëm ndaj Navalny është i padurueshëm,” i tha Jean-Yves Le Drian e televizionit France 2.
“Ne do të vendosim sanksionet e nevojshme dhe do të jetë përgjegjësia e Z. Putin dhe autoriteteve ruse. Shpresoj se nuk do të shkojmë në atë ekstrem,” tha Le Drian në përgjigje të një pyetje se si Evropa do të reagonte nëse Navalny do të vdes
Duke etiketuar veprimet e fundit të Rusisë në vend si një “ndryshim autoritar”, Le Drian gjithashtu tha se vendosja e mijëra trupave të Moskës në kufirin me Ukrainën lindore duhej të adresohej përmes diskutimeve dhe jo sanksioneve për momentin.
“Ai (Putini) është një fqinj i vështirë … ndonjëherë i rrezikshëm, por ai është ende atje, kështu që ne duhet të vazhdojmë të flasim,” tha Le Drian.
“Unë nuk mendoj se është dëshira e Rusisë për të kryer veprime ushtarake kundër Ukrainës, por të kesh trupa në kufi paraqet rreziqe aksidentesh.”
Ukraina po përpiqet të ketë mbështetjen ndërkombëtare në ballafaqimin e saj me Moskën mbi grumbullimin e trupave ruse në kufirin e saj lindor dhe në Krime, të cilën ajo aneksoi nga Kievi në 2014, shkruan Reuters.
