Kosova do të marrë 15 mijë teste të shpejta për Covid-19 që do të jenë dhuratë nga Franca. Lajmin e ka dhënë Ministria e Shëndetësisë në një postim në Facebook ku shkruan se sot ka pasur një takim me ambasadoren franceze Marie-Christine Butel dhe udhëheqësin e BE-së në Kosovë, Riçardo Serri. Vitia është shprehur falenderues për ndihmën e vazhdueshme që Kosova ka marrë nga shtetet e BE dhe vuri në duke rëndësinë e përshpejtimit të sigurimit të vaksinave
Njoftimi i plotë i Ministrisë së Shëndetësisë në Kosovë:
Ministri i Shëndetësisë Arben Vitia sot u takua me Ambasadoren e Francës Znj. Marie-Christine Butel dhe udhëheqësin e BE-së në Kosovë, Z. Riçardo Serri për ta pranuar donacionin e 15 mijë rapid testeve. Në këtë takim, Ministri Vitia u shpreh falënderues për ndihmën e vazhdueshme nga shtetet e BE-së, dhe potencoi rëndësinë e përshpejtimit të sigurimit të vakinave.
Aktualisht Kosova ka 9485 raste active me koronavirus. Në 24 orët e fundit janë raportuar 5 viktima, ndërsa numri i infektimeve të reja ka qenë 327.
