Një 25 vjeçar shqiptar, në kërkim ndërkombëtar, është arrestuar nga policia në Stacionin Qendror të Erfurt në Gjermani. Shqiptar figuronte në kërkimin policor nga Franca dhe Italia, raportojnë mediat e huaja.
Francezët e kërkonin të riun sepse ndaj tij ishte lëshuar një vendim kthimi si pasojë e shkeljeve të ligjit të qëndrimit. Nga ana tjetër 25-vjeçari u arrestua edhe nga autoritetet italiane pasi akuzohej për krime të lidhura me drogën. Shqiptari u arrestua sipas Aktit të Ndihmës Ligjore Ndërkombëtare në Çështjet Penale, IRG.
25-vjeçari shqiptar e ka kaluar natën në paraburgimin e policisë federale. I arrestuari është paraqitur sot pasdite në Gjykatën e Turingut. Heqja e lirisë u konfirmua nga gjyqtari dhe më pas shqiptari u dërgua në burgun Goldlauter, ku tashmë është në pritje të ekstradimit drejt Italisë.
