Franca në një deklaratë për shtyp është shprehur se po dërgon mjete ushtarake shtesë në Lindjen e Mesme për të kundërshtuar sulmin që irani po i bën Izraelit. Ky reagim erdhi pasi Irani hodhi 200 raketa në Izrael. Por akoma nuk ka më shumë informacion mbi llojin e mjeteve shtesë ushtarake të dërguara në rajon nga shteti francez
Ndërsa presidenti francez Emmanuel Macron u shpreh se e dënon “me vendosmërinë më të madhe” “sulmet e Iranit kundër Izraelit”. Nga ana tjetër ushtria izraelite (IDF) nëpërmjet disa mesazheve në mediat sociale u kërkuar civilëve libanezë që të largohen menjëherë nga fshatrat që ndodhen në Libanin jugor.
“Aktiviteti i Hezbollahut detyron ushtrinë izraelite të veprojë kundër tij. IDF nuk dëshiron t’ju dëmtojë,” thotë koloneli Avichay Adraee, në X.
Për shkak të ndonjë sulmi të mundshëm civilëve libanezë u është bërë thirrje të shkojnë në veri.
“Kujdes, mos lëvizni në jug. Çdo lëvizje drejt jugut mund të rrezikojë jetën tuaj”, thuhet në deklaratë.
Teherani njoftoi herët sot se sulmi i tij me raketa ndaj Izraelit kishte përfunduar nëse nuk kishte provokime të mëtejshme, me Izraelin dhe SHBA-të që u zotuan të hakmerren për sulmin e tij ndërsa frika për një luftë më të gjerë u rrit në rajon.
