Ndërkohë që ura 3D e kryeministrit Rama mbi liqenin e Kukësit ka përfunduar, ajo reale e ndërtuar që para 45 vitesh vijon të qëndrojë në këmbë, por rreziqet aty nuk mbarojnë.
Një makinë ka humbur kontrollin sot dhe ka devijuar për nga parmakët mbrojtës anësorë të urës në Kukës.
Pamjet e frikshme që kanë bërë xhiron e rrjetit, nga ura në Kukësit tregojnë një autoveturë të bardhë “Volkswagen Golf 3”, e cila mësohet se pasi ka humbur kontrollin, ka devijuar për nga kangjellat që janë anësore urës dhe për pak sa nuk ka përfunduar dhjetëra metra poshtë në liqen.
Siç shihet gjysma e makinës ka dalë nga ura, ndërkohë që ajo për fat është mbajtur nga hekurat.
Në vendngjarje kanë mbërritur më pas forcat e policisë që kanë stabilizuar edhe trafikun në urë.
/GazetaReforma.com/
