Legjenda dhe ikona e futbollit botëror Diego Armando Maradona u shua dje, por vështirë se bota do të harrojë atë se çfarë ai la pas.
Të shumta janë reagimet dhe materialet që mbushën mediat botërore dhe pasuan menjëherë në rrjetet sociale, nga e gjithë bota për figurën legjendare, i cilësuar si më i miri i të gjithëve.
Jashtë fushës, Maradona ishte një personalitet i gjallë mjaft i njohur për stilin e tij të jetës ekstravagante. Ai u takua me Claudia Villafane, kur ajo ishte vetëm 17 vjeçe dhe u martuan në vitin 1989. Çifti u divorcua në 2004 por u panë bashkë edhe për disa vite të tjera.
Fama, paratë, qenia gjithnjë në qendër të vëmendjes, sollën edhe efektet anësore për futbollistin. Përdorim i narkotikëve, abuzim me shpenzimet dhe shmangie të detyrimeve fiskale e shoqëruar Maradonën deri në vitet e fundit të jetës. Madje raportohet se Maradona i detyrohet shtetit italian rreth 37 milionë euro, 23 prej të cilave si kamatëvonesë për detyrimet e papaguara.
Megjithëse me shumë fëmijë, nga disa marrëdhënie me disa gra, ai kishte një jetë luksoze, kjo edhe falë të ardhurave që gjeneronte, pasi emri i tij është reklamë e mirë në çdo kohë.
Kështu, Pele shkroi: “Është e trishtueshme të humbasësh miqtë në këtë mënyrë. Me siguri një ditë do të luajmë futboll së bashku në qiell ”.
Cristiano Ronaldo: Më i miri i të gjitha kohërave. po lë një boshllëk që nuk do mbushet kurrë. Pusho në paqe.
Sandro Mazzola: “Një lajm i tmerrshëm, ai ishte një njeri shumë i mirë”.
Luciano Moggi: “Është e vështirë të komentosh. Për ata që nuk e kanë njohur, mund të them se ai ishte një person i jashtëzakonshëm. Ai kishte probleme që të gjithë i dinë, por nuk ka rëndësi. E kam dashur, e pamundur të mos e dua. Është e lehtë të flasësh kur dikush vdes, unë kam jetuar atje për shumë vite së bashku dhe ai ishte me të vërtetë numri një. Ai dinte si t’ia jepte të gjithë vetveten të tjerëve. Jam i tronditur.
/GazetaReforma.com/
