Situata me zjarret në Shqipëri nuk është aspak e mirë dhe vatra më e re e rrezikshme, u formua në qytetin e Korçës. Dyshohet se zjarrvënia në këtë qark ka qenë e qëllimshme dhe janë djegur më shumë se 100 hektarë tokë.
Forcat ushtarake dhe zjarrfikëset kanë tentuar deri në mesnatë që të neutralizojnë flakët dhe arritën deri diku që të vinin nën kontroll përhapjen masive, por në orët e para të mëngjesit të sotëm, ndikuar edhe nga era e fortë, vatra është riaktivizuar sërish.
Megjithatë, rreziku është neutralizuar nga forcat e armatosura dhe zjarrfikëset e pranishme në Korçë, të cilat duket se më në fund kanë neutralizuar përhapjen dhe tani po punojnë për shuarjen totale të zjarrit.
Ky zjarr masiv, ka qenë në zemër të një pylli të dendur dhe në rast se nuk do të ishte ndërhyrë me shpejtësi, përhapja do të kishte qenë e shpejtë dhe masive. Në vendin tonë, zjarret po pushtojnë qarqe të ndryshme gjatë 17 ditëve të fundit dhe janë dashur edhe ndihmat nga BE dhe nga Amerika, të cilat kanë sjellë forca ushtarake dhe helikopterë në Shqipëri.
Edhe një herë tjetër, Shqipëria tregoi se nuk ka kapacitetet e duhura që të përballojë fatkeqsi të tilla natyrore dhe na nevojitet ndihma nga vendet e tjera të Europës…
