Personi që shihni në foto është efektivja e policisë e cila vrai veten me armën e shërbimit pasditen e sotme. Sipas informacioneve 21-vjeçarja, Aldorjana Loshi punonte si efektive në komisariatin nr.5 në Kamëz. 21-vjeçarja është gjetur pa shenja në banesën në rrugën ‘Ali Demi’. Mësohet se kanë qënë fqinjët ata që kanë dëgjuar të shtënat me armë dhe kanë njoftuar policinë.Viktima mësohet se kishte rreth një vit e gjysmë që punonte si efektive e patrullës në Kamëz. Ende nuk dihet shkaku i ngjarjes së rëndë.
Njoftmi i policisë:
Më datë 24.05.2024, rreth orës 18:30, në rrugën “Ali Demi”, është vetëvrarë me armë zjarri në banesë shtetasja A. L., 21 vjeçe, punonjëse Policie pranë Komisariatit të Policisë Nr. 5. Grupi hetimor po punon për sqarimin e rrethanave të ngjarjes.
Policia e Tiranës ka shoqëruar të dashurin e efektives 21-vjeçare Aldorjana Loshi. Burime bëjnë me dije se çifti kanë pasur një debat së fundmi me njëri-tjetrin. Debati me të dashurin dyshohet se mund të ketë qenë arsyeja që mund të ketë çuar 21-vjeçaren drejt aktit të rëndë. I riu pritet të merret në pyetje për të mësuar më shumë.
