Me mbarimin e ditës së sotme 30 nëntor nesër futemi zyrtarisht në stinën e dimrit dhe i themi “lamtumirë” edhe kësaj vjeshte të butë. Por stina më e ftohtë e vitit duket se nuk ka pritur më gjatë…
Ulja e temperaturave dhe reshjet e shiut u kanë lënë vend edhe borës në zonat malore, ku në qytetin e Kukësit dhe Tropojës kanë nisur sot reshjet e para.
Mali i Gjalicës dhe i Koritnikut u zbardhën nga reshjet e para të borës. Reshjet kanë përfshirë edhe fshatrat e zonës së Shishtavecit. Akset rrugore nacionale janë të qarkullueshme normalisht në të gjithë Qarkun e Kukësit, por autoritetet kanë bërë edhe paralajmërimet e para.
Reshjet e para të borës janë regjistruar edhe në Kosovë, në zonat e Brezovicës dhe Sharrit të Prizrenit.
Policia Rrugore, i’u bën apel qytetarëve që të jenë të pajisur me goma dimërore, të respektojnë sinjalestikën rrugore, si dhe të ulin shpejtësinë, me qëllim shmangien e aksidenteve rrugore.
/GazetaReforma.com/
