Kryeministri Edi Rama në facebook ka publikuar një foto të një bar llotoje teksa shfaqen punonjësit që heqin tabelën e një kompanie bastesh sportive.
“Lamtumirë”- shkruan Rama në foton e publikuar në rrjetin social.
Kujtojmë se në 9 tetor Rama bëri të ditur lajmin se bastet dhe llotot do të mbylleshin përfundimisht.
“Bastet e kazinotë elektronike do të dalin jashtë ligjit më 31 dhjetor. Ama çdo reklamim i tyre, në çdolloj media, është i jashtëligjshëm. Portalet që kanë ende reklama të tilla t’i heqin vet, se ndërkohë po punohet për mbylljen e tyre! Mos kemi llafe për lirinë e shtypit pastaj.”- shkroi Rama në “Twitter” atëherë.
