Mbrëmjen e sotme Kryedemokrati Lulzim Basha i ftuar në emisionin “Open”, Basha u shpreh se ai do të bëjë çështë e mundur për izolimin e këtij grupi. Ndërkohë lidhur me akuzat për ekzistencën e disa fotove të tyre më kryedemokratin, Basha tha se me politikanë pozojnë shumë njerëz, por varet se kush i përdor duke akuzuar këtu ish-kryeministrin Berisha.
“Kemi bërë publike atë që shqeu derën e kësaj salle ku ndodhem unë tani që i ra me shkelm kemi gjetur që është dënuar në Angli si pjesë e një rrjeti trafikantësh të droge. Ka patur disa të tillë në oborrin e Partisë Demokratike. Edhe njëherë dua ta bëj të qartë, dua të izoloj këtë grup njerëzish nga shumë demokratë të cilët i kanë patur në krah kundër regjimit të Edi Ramës para dhe gjatë gjithë këtyre viteve dhe në betejën e fundit të 25 prillit zemërimi dhe dëshpërimi i të cilëve buron në radhë të parë nga masakra zgjedhore e 25 prillit. Sigurisht kanë dhe mund të kenë pakënaqësitë e tyre edhe legjitime ndaj meje përsonalisht, ndaj lidershipit të Partisë Demokratike dhe unë e kam siguruar dhe e siguroj se jam i gatshëm t’i dëgjoj dhe të ndërmarrim çdo hap, çdo reflektim,çdo korrigjim, për t’i drejtuar shqetësimet e tyre legjitime. Por ka një grup të vogël të cilit i referohet ajo deklaratë ku fakti ishte para syve të të gjithë qytetarëve kur dera u thye me shkel nga një person i dënuar. Po kështu zoti Bardhi, Sekretari i Përgjithshëm ka bërë publik një tjetër person që gjendet në atë listën e B9-ës që është një grup i strukturuar kriminal, dokumentat e të cilit janë dokumenta të drejtësisë britanike. Kështu që këto janë ato faktet që janë bërë publike dhe të cilat i refererohet edhe deklarata e Partisë Demokratike. Tani e di edhe akuzën që disa prej këtyre paskan foto me mua. Me një politikan mund të pozojnë shumë njerëz. Çdokush e mban mend pritën që i bënë një politikani të së majtës në Durrës, një tjetër figurë e njohur e botës së nëndheshme. Diferenca është se kush politikan i përdor kriminelet. Këta kanë qenë njerëz të Sali Berishës. I ka përdorur Sali Berisha”
