Personi që shihni në foto është Zin Murati, 60-vjeçari i cili humbi jetën në krye të detyrës në minierën e Bulqizës. Për rastin, ka nisur hetimi për dy përgjegjës teknikë dhe një brigadier. 60- vjeçari, u zu poshtë nga masivi i dheut, teksa ishte duke punuar në një nga galeritë e subjektit ‘Çupi Grup’, me administratorë Arben Çupi.
Nën hetim janë vënë konkretisht personat e identifikuar me iniciale H.D., 64 vjeç, me detyrë drejtues teknik; A.A., 69 vjeç, me detyrë përgjegjës teknik, të dy banues në Tiranë, dhe M.S., 53 vjeç, me detyrë, brigadier, banues në Bulqizë.
