Komisioni Qendror i Zgjedhjeve miratoi ditën e sotme formatin e fletës së votimit për zgjedhejt e 25 prillit. Në çdo qark do të ndryshojë vetëm madhësia e germave, në varësi të numrit të kandidatëve, ndërsa numri 13 i fletës së votimit është rezervuar për kanidatët e pavarur. Më poshtë janë edhe fletët e votimit për çdo qark.
Por me sa duket si Partia Socialiste, ashtu edhe Partia Demokratike kanë rezerva për modelin e miratuar dhe do e ankimojnë vendimin në KAS. PS kishte kërkuar që fleta e votimit të ishte me numrin e kandidatëve dhe jo me emra, ndërsa KQZ miratoi modelin e kërkuar nga PD për shënim me emra të kandidatëve. Por edhe Partia Demokratike nga ana e saj nuk është dakord me vendimin pasi kërkojnë që vendosja e emrave në fletën e votimit të jetë në mënyrë vertikale e jo horizontale siç u miratua.
Vendimi për miratimin e fletës së votimit u shty për dy ditë pasi përfaqsuesi i PS, Erdian Salianji kërkoi ndërprerjen e mbledhjes pasi sipas tij miratimi i fletës së votimit ishte kompetencë e Ilirian Celibashit dhe jo e Komisionit Rregullator. Ndërkohë, Celibashi ka thënë se format ii miratuar do të ishte ai me emrin e kanidatëve në fletë dhe fonti e detaje të tjera do të ndryshonin sipas qarqeve.
“Kandidatët do të identifikohen me emër, fonti i fletës së votimit do të jetë ndryshe për çdo qark. Në lidhje me përmbajtjen e fletës së votimit, vendimi i komisionerit është ky, miratimin e fletës së votimit me përmbajtje respektive për çdo qark në formatin landscape duke përshtatur sipas numrit të kandidatëve madhësinë e fontit dhe stilizimet e logove. Për çdo qark, mënyra e të shkruarit, fonti dhe karakteristika të tjera teknike të shkrimit do të varet nga numri i kandidatëve për çdo qark”,– tha Celibashi.
