Dy aksidente të rënda me pasojë në jetë njerëzish kanë ndodhur sot në Greqi në dy zona të ndryshme të vendit, ku nga bilanci paraprak kanë humbur jetën 5 persona, me të cilëve dy femra shqiptare.
Në aksidentin e parë u përfshi një familje shqiptare, në ishullin Naxos të Greqisë, ku për pasojë ka ndërruar jetë nëna e 3 fëmijëve.
Ngjarja ndodhi rreth orës 01.30 dhe mësohet se gruaja ishte e ulur në sedilen e parë të pasagjerit, ndërsa të tre fëmijët, dy vajza të mitura dhe djali pak më i rritur, ishin ulur pas.
Thuhet se nga aksidenti, më rëndë janë babai dhe një prej vajzave.
Sipas të dhënave të para, familja në mbrëmje ishte në restorant ku burri kishte konsumuar alkool.
Thuhet se shqiptari drejtonte makinën me shumë shpejtësi, ndërsa kaloi në anën tjetër të rrugës dhe u përplas duke u shkatërruar.
Zjarrfikësja deklaroi se aksidenti ishte i rëndë dhe familja ishte e izoluar mes hekurave të makinës.
Familja jetonte shumë vite në ishull, ndërsa gëzonte respektin e banorëve të zonës, ndërsa merreshin me biznes.
Në aksidentin tjetër me përmasa edhe më të rënda, humbën jetën 4 persona, mes të cilëve edhe një vajzë shqiptare 19 vjeçe.
Ngjarja ndodhi në autostradën Igumenica-Preveza, në Kastrosikia, ku dy automjete janë përplasur duke u shkatërruar plotësisht.
Plot 9 efektivë zjarrfikës kanë punuar për të nxjerrë 4 trupat nga automjetet e shkatërruara, por ishte shumë vonë.
Në aksident kanë humbur jetën vajza 19 vjeçare dhe dy shokë të saj grekë, 19 vjeç e 23 vjeç, ndërsa në makinën tjetër një pensionist 70 vjeçar.
Pamjet e frikshme të aksidentit kanë pushtuar mediat greke, ndërsa policia akoma nuk ka zbardhur shkaqet e ngjarjes.
/GazetaReforma.com/
