E gjithë bota, por në veçanti ajo e futbollit u tronditën mbrëmë nga humbja në moshën 60-vjeçare të atij që njihej si “Dora e Zotit”, legjenda e futbollit, Diego Armando Maradona.
Por largimi i tij nga kjo jetë, pas një arresti kardiak, ka dëshpëruar më shumë tifozët e futbollit argjentinas por edhe ata në Itali, ku Maradona kaloi shumë vite karrierë.
Ndërsa mesazhet ngushëlluese për ikjen e lojtarit më të madh të të gjithë kohërave, janë të shumta, në Napoli, qyteti ku ai konsiderohet edhe sot si një “Zot”, pas viteve të tij të kaluara, njerëzit kanë dalë në shesh dhe po nderojnë figurën e tij.
Gjithashtu njerëzit kanë ndezur qirinj në nder të “El Pibe de Oro”, si dhe kanë varur nëpër ballkone dhe dritare postera dhe banderola me emrin dhe foton e Maradonës.
Shikoni këto foto dhe kuptoni emocionet që po përjetojnë tifozët në Napoli…
/GazetaReforma.com/
