Ftohja e motit dhe nisja e reshjeve na ka treguar se ka trokitur dimri. Bashkë me ashpërsimin e stinës kanë nisur sot në disa zona të vendit edhe reshjet e para të borës.
Kështu sot dëbora e parë në këtë sezon dimëror ka zbardhur edhe qafën e Llogorasë në Vlorë. Siç shihet edhe në foto, bora ka zbardhur të gjithë zonën, e cila frekuentohet edhe në dimër nga turistë të shumtë.
Por nisja e reshjeve të dëborës nuk ka shkaktuar probleme në qarkullimin e automjeteve.
Kjo pasi intensiteti i tyre nuk ka qenë i lartë si fillim, ndërkohë që kontraktori ka bërë pastrimin e rrugëve dhe shpërndarjen e kripës.
Ndërkohë, Autoriteti Rrugor Shqiptar, bën apel që drejtuesit e mjeteve, që kalojnë Llogoranë, se duhet të tregohen të kujdesshëm, të ulin shpejtësinë, të respektojnë sinjalestikën dhe të pajisen me goma dimërore.
/GazetaReforma.com/
