Studentët vazhdojnë protestën, madje një pjesë e tyre janë mbyllur brenda fakultetit Juridik Në Tiranë.
Ata kanë bllokuar hollin dhe derën e jashtme dhe thonë se janë të vendosur të qëndrojnë deri të dielën tek fakulteti.
Teksa janë prononcuar për “BalkanWeb”, ata sqaruan se do të vijojnë qëndresën deri në përmbushjen e kërkesave të tyre.
Ndërkohë, ditën e sotme studentë të fakultetit të Drejtësisë në Tiranë, në bashkëpunim midis studenteve te fakultetit të grupeve të ndryshme u vendos paraqitja e kërkesave pranë dekanatit.
Kerkesat vijojne si më poshte:
1- Shtyrja e sezonit dhe procesit mësimor deri në dhënien e një përgjigje përfundimtare.
2- Shtyrja e afatit të pagimit të tarifave dhe shtyrja e procedurave për marrjen e bursave deri në dhënien e një përgjigje përfundimtare.
3- Nisja e një plan veprimi nga dekanati, për plotësimin e kërkesave që varen drejtpërdrejt nga ai.
4- Mospenalizimi i studentëve apo marrja e masave ndaj tyre, deri në përfundimin e bojkotit.
