Më datë 2 maj një ngjarje horror u zbulua në Korçë, ku një nënë me probleme të shëndetit mendor pasi ka lindur, ka futur të porsalindurin në një valixhe, dhe më pas ai ka ndërruar jetë. Ndërkohë pas disa javësh tashmë ka dalur ekspertiza e foshnjës që u mbyll në valixhe.
Sipas burimeve foshnja i gjinisë mashkullore gjetur brenda në valixhe ka lindur i gjallë. Kujtojmë se nëna 40 vjeçare që ndërmori këtë akt të tmerrshëm vuan nga probleme të theksuara të shëndetit mendor dhe gjatë gjithë kësaj kohë është trajtuar dhe është mbajtur nën vëzhgim nga instancat përkatëse derisa prokuroria e Korçës pas daljes së ekspertizës të vendosë për masën, veprën penale që akuzohet.
Krimin makabër e ka denoncuar bashkëshorti i Valmira Hasimllarit i cili pasi ishte kthyer nga Greqia kishte nuhatur erën e rëndë që vinte nga valixhja ku ishte futur foshnja lindur në kushte shtëpie.
Bashkëshorti i saj denoncoi në polici se kishte gjetur valixhen me foshnjën e pajetë brenda.
Ai ka deklaruar se 6 muaj e fundit ndodhej në emigracion në Greqi dhe ishte thyer në banesën e tij para një muaji. Ai shprehet se dyshon se bashkëshortja e tij e ka abortuar foshnjën para një muaji dhe e ka fshehur më pas në shtëpi.
I pyetur nëse mendon se fëmija ishte i tij, ai thotë se nuk e di, por dyshon se nuk është. “Para një muaji erdha, dyshimi është që ka abortuar para një muaji, nuk e di nëse fëmija është i mi, besoj se jo. 6 muajt e fundit isha në Greqi. Ajo jetonte vetëm me çunin”, u shpreh ai.
