Fëmija i parë i ardhur në jetë në Itali për vitin 2021 është një shqiptar dhe quhet Alessandro.
Në një intervistë të dhënë për mediat italiane, babai i të sapolindurit, u shpreh se ata janë nga Dibra dhe jeton prej 20 vitesh në vendin fqinj.
“Jemi nga Dibra jetojmë në Romë, unë jetoj prej 20 vitesh kam punën të gjitha këtu, me Emanuelën kemi 6 vite të martuar kemi dy djem Matia 4 vjeç e gjysmë dhe Alessandro ka bërë një rekord italian, lindi në orën 12 e një sekondë”, tha ai.
Ata janë bërë pjesë edhe e medias italiane “Tgcom”, ku mamaja është shprehur shumë e gëzuar.
“Ishte një gëzim për të gjithë punonjësit e shëndetit të Krishtit, Mbretit të Romës, të gjithë së bashku festuam dhe djali është mirë. Unë, babai Maksim dhe vëllai 4-vjeçar, jemi shumë të lumtur me këtë shpresë që Alessandro ka sjellë. Tani ai dhe unë mezi presim të shkojmë në shtëpi“, tha ajo.
Ndërkohë në Shqipëri foshnjat e para që kanë ardhur në jetë për vitin 2021 janë vajza.
Në Spitalin Universitar Obstetrik-Gjinekologjik “Mbretëresha Geraldinë” në Tiranë ka ardhur në jetë fëmija që prindërit e saj i kanë vendosur emrin Ajla.
Mjeku Fatjon Balla tha për mediat se foshnja ka lindur në orën 00:01. Ai tha se lindja është kryer me operacion dhe se fëmija gëzon shëndet të plotë.
“Foshnja gëzon shëndet të plotë dhe nëna gëzon shëndet të plotë pas operacionit”, është shprehur gjinekologu Balla./Gazetareforma.com/
