Iranit i është goditur përsëri objekti bërthamor në Fordow, këtë herë nga një sulm izraelit.
Impianti, i ndërtuar brenda një mali dhe i njohur për ndjeshmërinë ndaj dridhjeve, ishte pre e një sulmi amerikan më parë gjatë fundjavës, që shkaktoi dëme të konsiderueshme në bunkerët nën tokë.
Një zëdhënës i Shtabit të Menaxhimit të Krizave në provincën Qom konfirmoi për agjencinë Tasnim se Fordow ka pësuar një goditje të re. Sipas mediave izraelite, ushtria ka synuar këtë herë rrugën hyrëse për në impiant, duke tentuar të kufizojë aksesin.
Kreu i Agjencisë Ndërkombëtare të Energjisë Atomike, Rafael Grossi, theksoi se është ende e paqartë se sa i madh është dëmi në strukturat nëntokësore, për shkak të kompleksitetit të objekteve bërthamore.
Në anën tjetër, një valë raketash iraniane shkaktoi ndërprerje të energjisë elektrike në disa zona të Izraelit jugor.
Kompania Elektrike izraelite njoftoi se sulmet preken pranë një objekti strategjik të infrastrukturës, duke shkaktuar mungesë energjie për rreth 8 mijë shtëpi.
Ministri i energjisë bëri të ditur se furnizimi pritet të rikthehet brenda tre orësh, ndërsa ekipet po punojnë në terren për riparimin dhe sigurimin e zonës në bashkëpunim me forcat e sigurisë.
