Berisha vazhdon me programin e tij të “Foltoreve” në qytetet e vendit dhe foltorja e rradhës do jetë në Kamëz.
Njoftimin e ka bërë të ditur deputeti i PD Flamur Noka, i cili tregon datën, orën dhe vendin ku do të zhvillohet “Foltorja” e Berishës.
Berisha do të organizojë “Foltoren” e rradhës, të martën që vjen, në Pallatin e Kultures në Kamëz, në orën 17:00, me qëllimin për një PD më të fortë, më solide dhe fituese.
Postimi i plotë i Flamur Nokës:
Te dashur miq!Demokrate e demokrat te Kamzes e Paskuqanit. Diten e Marte dt 2 Nentor Ora 17.00 ne Pallatin e Kultures Kamez , Prof Dr Sali Berisha organizon “Foltoren” me demokratet e Bashkise Kamez. Per nje PD te bashkuar, me te forte, me solide, dhe fituese.Me Sali Berishen
Kujtojmë që Berisha ka organizuar deri më tani “Foltoret” në Elbasan, Korçë, Lezhë, Kavajë, Shkodër, Peshkopi, Fier, Vlorë.
Në Korçë “Foltorja” ishte pak më e veçantë pasi njëkohësisht ish kryeministri festoi edhe ditëlindjen në një atmosferë të zjarrtë.
Ish kryeministri e ka konsideruar “Foltoren” si nëj nismë për të larguar kreun aktual të Partisë Demokratike, Lulzim Bashën.
Berisha e ndërmori këtë nismë, pasi Basha e përjashtoi nga Partia Demokratike.
“Ne duhet të bashkohemi edhe njëherë. Një nga qëllimet e Foltores është që të bashkohen demokratët, që nga ata të vitit 1991, deri ata të vitit 2021,” është shprehur Berisha në një nga “Foltoret”.
