Zëdhënësja e Partisë Demokratike, Floriana Garo me anë të një deklarate për mediat ka dërguar një mesazh të rëndësishëm për gratë shqiptare. Ajo e nis fjalimin e saj me fjalët “Dua t’ju jap një mesazh nga zemra”. Më tej Garo vazhdon duke thënë se qeveria po shkatërron jetën e grave dhe të qytetarëve të këtij vendi, duke vazhduar më pas me fjalët se më 25 prill gratë shqiptare do të jenë luanesha dhe të privilegjuara. Garo thekson edhe një herë tjetër se pagat minimale janë shumë të ulëta dhe papunësia është në nivele shumë të larta. Gjithashtu ajo ka thënë se familjet shqiptare nuk arrijnë ta jetojnë jetën me dinjitet ashtu siju ka hije por me vuajtje.
Zëdhënësja e PD-së ka prekur edhe nje tjetër plagë të madhe të shqiptarëve që është ikja e të rinjve nga vendi, për një të ardhme më të mirë.
DEKLARATË E ZËDHËNËSES SË FUSHATËS SË PD, FLORIANA GARO:
Dua t’ju jap nje mesazh nga zemra, ju gra shqiptare! Ne jemi gratë e këtij vendi dhe nuk arrijmë të shohim sesi kjo qeveri shkatërron jetët tona vit pas viti për 8 vite rresht. Dhe ne rrimë duarkryq.
Ne shohim pagat minimale kaq te ulëta, taksat e larta, dhe qindra mijëra të papunë. Shohim familjet tona që nuk arrijnë ta jetojnë jetën me dinjitet. Shohim fëmijët tanë, që ikin nga Shqipëria për një të ardhme më të mirë në vende të huaja. Shohim errësirën që po mbulon tokën tonë të dashur, të ardhmen tonë.
Ne nuk mundemi të rrime larg këtij realiteti dhe të shohim Shqipërinë pa rrugëdalje dhe pa të ardhme. Ne nuk duhet të rrimë larg. Ne do tëë jemi forca e gruas, luaneshat që shtyjnë dhe udhëheqin ndryshimin për të cilin Shqipëria ka kaq shumë nevojë. Është momenti ynë të bashkohemi e të kthehemi në një forcë të madhe e motivuese dhe të kthejmë shpresën tek familjet tona, femijët tanë, tek njerëzit tanë të dashur. Tek Shqipëria jonë e shtrenjtë.Më 25 Prill, gratë shqiptare do të sjellin ndryshimin duke votuar për Partinë Demokratike dhe Lulzim Bashën për të sjellë shpresën në jetët tona.
