Ministrja e Arsimit, Evis Kushi ka bërë një deklaratë ku ka kërkuar që studentët që nuk kanë mundësi të hyjnë në provime, të mos penalizohen. Ajo ka thënë se studentët që nuk kanë mundësi ta ndjekin këtë sezon, të lejohen në një minisezon të dytë. Gjithashtu Kushi ka kërkuar që të mos merren parasysh mungesat e vendosura në mësimin online.
Deklarata e Kushit:
Pas një takimi të gjatë me rektorët e Universiteteve i kam dërguar një shkresë Komitetit të Ekspertëve, dua të falenderoj anëtarët e nderuar të komitetit. Besoj fort se ky është një hap pozitiv për të lehtësuar sadopak pasojat e pandemisë së shkaktuar nga Covid 19.
Do të kërkoja nga të gjitha Universitetet, së pari: në ato raste kur është e pamundur që provimi të bëhet online, provimi të bëhet në respekt të rreptë të masave anticovid. Të gjithë studentët që nuk do të marrin pjesë në këtë sezon, tiu ofrohet mundësia që ti bëjnë provimet në një sezon tjetër.
Sezoni i provimeve të jetë për një afat 45 ditësh, së katërti mungesat të mos u penalizojnë studentët oër të hyrë në provime, duke marrë parasysh vështirësitë që ka pasur.
Numri i studentëve në sallë të jetë jo më shumë se 15 persona, provimi të zgjasë jo më shumë se 1 orë, të mbahet me detyrim maska dhe të ketë higjenë të plotë në salla. Secili prej Universiteteve duhet të ketë rregulloren para nisjes së sezonit.
Kujotojmë që ditë më parë u vendos që sezoni i parë i provimeve në universitete të mbahet online. Ky vendim hasi shumë kundërshti nga studentët të cilët thanë se provimet online për ta do të ishin diskriminuese dhe përjashtuese. Ende pak ditë para fillimit të sezonit nuk ka ende një njoftim të qartë se çfarë do të ndodh me provimet.
