Gjatë 24 orëve të fundit në vendin tonë betejën me COVID-19 e fituan 18 persona të tjerë, duke e çuar numrin e të shëruarve në 345.
Në mesin e tyre janë edhe deputeti Adriatik Alimadhi e mjeku Roland Xhaxho.
Ky i fundit la ditën e sotme spitalin Infektiv, pasi ishte shtruar aty prej disa javësh.
Ndërsa deputeti Alimadhi, nëpërmjet një reagimi në rrjetet sociale, ka falenderuar stafin e spitalit për shërbimin.
Ai bën me dije se tashmë do të transferohet tek “Shefqet Ndroqi”, pasi do të kurohet për një ftohje të lehtë.
REAGIMI I PLOTË
Prej 27 ditesh me rradhe kam qene i pamundur per t’ju kthyer pergjigje, kjo si rrjedhoje e gjendjes time te renduar shendetesore. Do kerkoja mirekuptimin tuaj dhe ju jam thellesisht mirenjohes per mbeshtetjen dhe solidaritetin qe treguat ndaj shendetit tim. Stafi drejtues i mjekeve te cilet me kane ndjekur nga afer ne spitalin infektiv per hir te se vertetes edhe pse ne kushte shume te veshtira, treguan perkushtim te veçante per shendetin tim. Fale punes se tyre me perkushtim dhe profesionalizem sebashku ia dolem dhe jam me mire me shendetin. Me duhet te largohem nga ambjentet e spitalit infektiv pasi mjeket me njoftuan se tashme jam negativ i COVID-19. Ne keto kushte, ne e beme detyren ndaj jush thone. Per kete falenderoj mjeket, te gjithe doktoret, reanimatoret, anestezistet, sanitaret, etj., respekt , mirenjohje te veçantë per secilin prej tyre. Sot do kaloj prane spitalit Shefqet Ndroqi Sanatorium nen kujdesin e mjekeve profesionist per kurimin e nje ftohjeje te lehte ne mushkri. Shqiptare qofshi mire, ju dhe familjet tuaja. Kujdesuni per veten dhe per njeri-tjetrin.
Kujtojmë këtu se numri i të prekurve nga COVID-19 në vendin tonë ka shkuar në 609.
Gjatë 24 orëve të fundit u shënuan 25 raste të reja nga 242 testime të kryera.
