Shqipëria nuk ka zhgënjyer në “Elbasan Arena”, duke fituar me rezultatin 1-0 ndaj Hungarisë. Shkodrani, depërtoi mjaft mirë në zonë dhe me një goditje potente arriti të mposhte portierin kundërshtar, duke mbajtur të gjalla shpresat për një kualifikim për në kampionatin Botëror 2022.
Përkohësisht, ekipi ynë përfaqësues ndodhet në vendin e 2 në grupin I me 9 pikë të grumbulluara në total. Goli për kuqezinjtë në këtë takim u realizua nga Armando Broja, i cili arriti të realizonte me mjaft mjeshtëri në portën kundërshtare.
Për këtë fitore, ka reaguar dhe kryeministri Edi Rama. Kryesocialisti nuk ka zgjedhur fjalët, por renditjen e përfaqësueses në tabelën e klasifikimit. Ai ka publikuar këtë foto në rrjete sociale e mbi të ka vendosur dy emoji, njëra që simbolizon zemrën e tjetra flamurin shqiptar.
Fitorja në këtë ndeshje ishte një kërkesë e vazhduar e tifozeve shqiptarë të cilët prej kaq shumë kohësh uleshin në stolat e stadiumit “Elbasan Arena” për të ndjerë dhe ndjekur live përfaqësuesen shqiptare të cilën e duan kaq shumë. Hungaria ishte një test jetik për përfaqësuesen kuqezi, ishte një ndeshje që duhej fituar me çdo kusht për të mbajtur të ndezur kualifikueset e botërorit “Katar2022”. Humbja në ndeshjen e kaluar nuk u prit mjaft mirë si për trajnerin e skuadrës ashtu edhe për mbështetësit e tij të cilët prisnin të kishin një fitore.
