Ministrja e Arsimit, Evis Kushi i ka dorëzuar ditën e djeshme Gjerdanin e Artë boksierit Ferit Keta, pas fitores në eventin e madh ndërkombëtar sportiv, “Duel në Themel”. Eventi organizohej nga Vëllezërit Keta dhe Bashkia Rrogozhinë në Kalanë e Bashtovës.
Kushi shkruan se sporti bashkon popujt dhe nxit paqen e solidaritetin, por ka edhe fuqinë zë ngrejë lart emrin dhe flamurin e një kombi.
Ministria shprehet se Ferit Keta fitoi ndaj holandezit Blokland, duke frymëzuar talentet e reja dhe duke provuar se me vullnet, sakrificë e me vlera të mira njerëzore, mund të ngjitesh lartë në majat e suksesit.
Postimi i plotë i Kushit:
Dje iu bashkova me shumë kënaqësi eventit të madh ndërkombëtar sportiv “Duel në Themel”, të organizuar nga Vëllezërit Keta dhe Bashkia Rrogozhinë, në një atmosferë fantastike në Kalanë Shekullore të Bashtovës.
Sporti bashkon popujt, njerëzit, nxit paqen, solidaritetin, por ndërkohë ka edhe fuqinë të ngrejë lart emrin dhe flamurin e një kombi. Krenare për Ferit Keta, i cili fitoi gjerdanin e artë botëror në #IKBF ndaj holandezit Blokland, duke frymëzuar talentet e reja shqiptare e duke provuar se me vullnet, sakrifica, e sidomos duke ruajtur vlerat më të mira njerëzore, mund të ngjitesh lart në majat e suksesit.
