Një 77-vjeçare nga Fushë-Kruja ka fituar betejën me koronavirusin.
Lajmin e ka dhënë ministrja e Shëndetësisë, Ogerta Manastirliu nëpërmjet një postimi në rrjetet sociale.
Manastirliu shkruan, se nënë Hikja sot është shëruar dhe ka lënë spitalin Infektiv.
Ministrja bën me dije ndër të tjera se që nga fillimi i epidemisë, më shumë se 60% e të prekurve nga COVID-19 janë shëruar.
“Nënë Hike, 77 vjeçarja nga Fushë-Kruja, sot ka lënë e shëruar spitalin infektiv dhe është kthyer pranë familjes . Që nga fillimi i epidemisë, më shumë se 60% e të prekurve nga 🤜COVID19 janë shëruar. KrenarePërStafetMjekësore”. shprehet ajo në një postim nq Facebook. Ndërsa e moshuara thotë në video: “Faleminderit të gjithëve”.
Ndërkohë numri i të prekurve nga COVID-19 ka shkuar në 795, ndërsa janë shënuar 31 viktima dhe 531 të shëruar.
Numri i rasteve të reja me COVID-19 është ulur gjatë ditëve të fundit, teksa dje u shënuan vetëm 6 të prekur, shifra kjo më e ulët që nga nisja e epidemisë.
