Deputeti socialist Pandeli Majko ka bërë një debat me Enkelejd Alibeajn, në lidhje me financimin e rus ndaj PD. Sipas Majkos nuk mud të mbyllet kjo çështje vetëm me një proces gjyqësor.
“E dini shumë mirë se është emëtuar lajmi i konfirmuar nga administrata amerikane se PD ka marrë 500 mijë nga fondet ruse. Tani ju lutem mirë do të ishte që kur flasim për fondet europiane të flasim edhe për fonde antieuropiane. Ne po flasim për fonde IPA. Përpara se t’i kërkoni llogari Beqës sonë, kërkojini llogari Beqës suaj dhe ky nuk është një fa individual dhe që mbyllet me idenë se proces gjyqësor nuk ka . është një akuzë e konfirmuar nga administrata amerikane, dilni këtu dhe jepni llogari”, tha Majko.
Ndërkohë teksa Majko ishte duke folur në foltoren e Kuvendit, ka ndërhyrë deputeti i PD, Alibeaj, duke thënë se Majko sot duhet të ishte treguar më i duruar. Po ashtu theksoi se në orët në vijim do të përgënjeshtrohet.
“Më në fund Majkos i qenka shëruar goja. Jo vetëm për eksperiencën që keni në politikë e për flokët e bardhë, por për gjithçka tjetër, sot duhet të ishit treguar më i duruar. Prit edhe disa orë sepse do të përgënjeshtrohesh”, tha Alibeaj.
