Presidentja e përkohshme e Kosovës, Vjosa Osmani, është shprehur mjaft e ngazëllyer në lidhje me marrëdhëniet mes Kosovës dhe SHBA-ve, por sidomos për njohjet e saj me kandidatin demokrat për President, Biden.
Sipas Osmanit, marrëdhëniet mes SHBA-ve dhe Kosovës do të përmirësohen edhe më tej me ardhjen në pushtet të Joe Biden.
Në një intervistë për “Financial Times”, Vjosa tha se, ardhja në pushtet e Presidentit Biden në SHBA, është një gjë e mirë për shqiptarët e Kosovës, pasi ai konsiderohet si një “mik i veçantë” i Kosovës.
Më tej ajo u shpreh se, Biden i njeh mirë të gjitha vuajtjet e popullit të Kosovës nga Serbia.
Sipas Osmanit, “Biden i di vuajtjet e shqiptarëve të Kosovës dhe të vërtetën e luftës e historisë”.
Sa i përket marrëveshjes së 4 shtatorit që Kosova me Serbinë nënshkruan nën praninë e Presidentit Trump, Osmani thekson se, nuk mund të vazhdohet pa u ditur qëndrimet dhe qasja që do të ketë Biden për të.
“Të gjithë e dinë se presidenti i zgjedhur Biden nuk është mik i zakonshëm i Kosovës. Joe Biden e di të vërtetën, dhe e vërteta është shumë e thjeshtë dhe e thjeshtë. Serbia e humbi Kosovën sepse abuzoi me parimin e sovranitetit dhe integritetit territorial për të vrarë njerëzit që jetuan në atë territor, për të kryer gjenocid në tentativë, krime lufte dhe krime kundër njerëzimit. Ai e di të vërtetën dhe nuk do të përpiqet të ndryshojë të vërtetën”,- tha Osmani.
/GazetaReforma.com/
