Ëndrra për një vend në Kupën e Botës 2026 nis sot për Shqipërinë, që zhvillon “finalen” e saj të parë kundër Letonisë, në stadiumin “Air Albania” në Tiranë. Kuqezinjtë nuk kanë hapësirë për gabime, teksa vetëm fitorja vlen në këtë përballje.
Historiku i ndeshjeve mes dy përfaqësueseve është i pazakontë: në 6 takime të mëparshme, Shqipëria dhe Letonia nuk kanë arritur të ndajnë një fitues, pasi të gjitha sfidat kanë përfunduar në barazim.
Trajneri Sylvinho ka vendosur të besojë në formacionin e tij të zakonshëm 4-3-3. Në portë aktivizohet Thomas Strakosha, ndërsa mbrojtja përbëhet nga Elseid Hysaj, Arlind Ajeti, Berat Gjimshiti dhe Mario Mitaj. Në mesfushë luajnë Kristjan Asllani, Qazim Laçi dhe Shehu. Sulmi përbëhet nga Armando Broja dhe Nedim Bajrami në krahë, me Rey Manajn në majë të sulmit.
Ndeshjen po e drejton gjyqtari polak Damian Sylwestrzak, i ndihmuar nga anësorët Paweł Sokolnicki dhe Adam Karasewicz. Arbitër i katërt është Damian Kos, ndërsa në sistemin VAR gjendet Piotr Lasyk, i asistuar nga Pawel Malec.
Rezultati aktual: Shqipëria 0-0 Letonia
