Seksioni për Hetimin e Mashtrimit Kompjuterik ka përfunduar me sukses operacionin policor të koduar “Two” që synonte veprimtaritë e jashtëligjshme të lojërave të fatit.
Gjatë operacionit, u arrestua shtetasi A. P., 32 vjeç, nga Tirana, për organizim dhe ushtrim të lojërave të fatit në kundërshtim me ligjin dhe për vënien në dispozicion të ambienteve për lojëra të palejuara.
Në një ambient në rrugën “Him Kolli” të administruar nga 32-vjeçari, u gjetën dhe sekuestruan 2 kompjutera dhe 2 aparate celulare që shërbenin për lojëra të palejuara.
Materialet procedurale janë dërguar në Prokurori për veprime të mëtejshme.
