Protesta e banorëve të Bregut të Lumit, e cila ka nisur që prej orës 06:00 të mëngjesit të sotëm, që në fillim ka pasur përplasje mes policisë dhe protestuesve, por mesa duket situata është rënduar.
Ashtu siç raportuam edhe më herët tashmë janë arrestuar disa persona, ku mësohet se konkretisht bëhet fjalë për 4 protestues, mirëpo dhuna e ushtruar nga policia ka çuar në spital 3 persona.
Njëra nga banoret momentalisht është trasportuar me urgjencë për në Spitalin e Traumës pasi ka thyer këmbën dhe ajo akuzon drejtpërdrejt policinë për dhunën e ushtruar.
Gruaja është futur në sallën e operimit dhe po merr ndihmën e nevojshme. Situata u rëndua shumë në momentin që INUV ka filluar të shembë njërën nga banesat.
Deri më tani është prishur një banesë dhe po punohet për rrëzimin e të dytës.
Kujtojmë se në zonën e Bregut të Lumit ndodhen 38 banesa për të cilat banorët kërkojnë dëmshpërblim, pasi nuk kanë ku të shkojnë.
Fillimisht ka qenë Bashkia e Tiranës ajo që ju ka premtuar dëshpërblimin e banesave, por më pas Erion Veliaj ka vendosur se banoët nuk kanë dokumentacionin përkatës, kështu që nuk mund të mund përfitojnë asgjë. Kjo i ka ndezuar më shumë gjakrtat dhe situata ka ardhur deri në ditën e sotme.
