Në mbledhjen e Qeverisë sot, u mor vendimi për mbylljen e platformës TikTok në Shqipëri për një periudhë 1-vjeçare. Një akt censure pak para zgjedhjeve të 11 majit.
Duke qenë se Tik-Tok është i vetmi aplikacion jashtë kontrollit të propagandës, qeveria vendosi të heshtë lajmet pa censurë.
Ogerta Manastirliu u justifikua me faktin se ky kufizim është rezultat i shqetësimeve për efektet negative që rrjetet sociale mund të kenë tek fëmijët, pas një serie konsultimesh me prindërit.
Ky hap pason ngjarjen tragjike të vrasjes me thikë të 14-vjeçarit Martin Cani në Tiranë nga një bashkëmoshatar, pas një sherri që kishte nisur në rrjetet sociale, megjithatë asnjëri prej të rinjve nuk kishte llogari në Tik-Tok.
Kryeministri Rama kishte njoftuar këtë masë në fillim të janarit, duke i paraprirë zgjedhjeve të 11 majit. Megjithatë, lajmet pa censurë nuk mund të kufizohen për shkak të mbylljes së Tik-Tok.
Për çdo parregullsi në zgjedhje, çdo denoncim të cilit dëshironi t’i jepni zë, raportoni 100% anonim në Report-in e Gazetës Reforma, në këtë dritare në web.
