FIFA ka publikuar renditjen e kombëtareve për muajin shtator dhe Shqipëria që fitoi kundër Bjellorusisë dhe humbi ndaj Lituanisë, në dy ndeshjet e para në Ligën e Kombeve nuk ka ndryshuar pozicion.
Kuqezinjtë e drejtuar nga Edy Reja mbeten në vendin e 66-të me 1351 pikë, 5 më pak se 1 muaj më parë.
Megjithatë kundërshtarët e Shqipërisë në Ligën e Kombeve pozicionohen poshtë tyre. Bjellorusia në vendin e 87-të, Kazakistani në vendin e 118-të dhe Lituania, kundërshtari që na mundi në stadiumin kombëtar mjaftohet me vendin e 131-të.
Ndërkohë Kosova ka pësuar rënie, me një pozicion. Barazimi me Moldavinë dhe humbja me Greqinë kanë pasur ndikimin e vet dhe tani Dardanët pozicionohen në vendin e 116-të.
Sa i përket renditjes së gjithë vendeve vazhdon të kryesojë Belgjika, e ndjekur nga kampionët e botës, Franca.
