Teksa, mjekësia nuk ka arritur ende të krijojë vaksinën që do i jepte fund betejës me COVID-19, kinezët, që u përballën të parët me virusin vendosën të luftojnë duke përdorur armën e tyre më të fortë: teknologjinë.
Kështu, firmat e robotikës kanë krijuar pajisje të ndryshme për dezinfektimin e hapësirave publike, që nisën nga THOR-1 dhe u përmirësuan një një kohë të shkurtër.
Të gjitha mediat botërore u pushtuan në shkurt nga pamjet e regjistruara në Kinë gjatë dezinfektimit të vendeve publike nga makineri të mëdha, që i kanë dhënë goxha ndihmë në kufizimi e përhapjes së COVID-19.
I gjithë vendi nën ‘renë’ e dezinfektuesve, si po e fiton Kina luftën kundër Coronavirusit (Video)
E më pas kjo taktikë është përdorur nga të gjitha vendet e goditura nga pandemia, përfshirë këtu edhe vendin tonë.
Së fundmi, disa pamje nga dezinfektimi i qytetit të Fierit kanë qarkulluar në Internet, ku duket mjegulla që pushton rrugët dhe qyteti i ngjan një fantazme.
Fieri sot nuk ka shënuar asnjë rast të ri me COVID-19 ndërkohë në total numëron 36 raste, shumë më pak se vatrat e tjera Tirana, Shkodra dhe Kruja.
