Gjykata e Posaçme kundër Krimit dhe Korrupsionit nuk e ka pranuar kërkesën e Gjyqtares Enkelejda Hoxha për lirimin e kësaj të fundit nga burgo. Ish-gjyqtarja e Krujës ka bërë kërkesë për lirim nga burgu, por GJKKO e ka rrëzuar duke lënë në fuqi masën e sigurisë “arrest me burg”.
Në kërkesën e bërë gjyqtarja argumentonte se gjendja shëndetësore e djelit të saj është rënduar, ndërsa vajza e ka braktisur shkollën qëkurse ajo është arrestuar.
Enekelejda Hoxha u arrestua pasi kishte prova se lironte të burgosurit me rekorde të rëndë kriminale kundrejt shumave të parave që shkonin nga 6 mijë deri në 12 mijë euro. Përgjimet zbuluan se ishin edhe zyrtarë të tjerë të përfshirë në skemën korruptive që fillonte nga drejtorët e burgjeve e deri te mjekët e ekspertizës disa prej të cilëve kanë rënë tashmë në pranga. Ajo i lironte të burgosurit në bashkëpunim me avokatin Aldo Tabaku i cili po ashtu është arrestuar dhe mbetet ne burg.
Në përgjime përmendej edhe emri i mjekut kardiolog Edvin Prifti i cili po ashtu u arrestua dhe u la i lirë më vonë nga gjykata. Atij iu gjetën në zrë dhe në shtëpi shuma të mëdha eurosh që shkonin gati në gjysmë milioni.
