Një vajzë në Fier, vjehrra e saj dhe djali 2 vjeç janë tre rastet e reja të konfirmuara me COVID-19 në këtë qytet.
Sipas “Dosja.al”, vajza së bashku me djalin 2 vjeç, janë nisur drej spitalit Infektiv.
Dy vjeçari është fëmija i parë i cili shtrohet në Infektiv, pasi të tjerët kanë qenë asimptomatikë ose me shenja të lehta dhe janë trajtuar në shtëpi.
Shkak për infektimin e tyre u bë vajza, e cila është 8 muajshe shtatzënë.
Ajo pak ditë më parë vizitoi në Tiranë prindërit e saj dhe më pas u rikthye në Fier, duke përhapur virusin tek familjarët.
Ndërkohë bilanci i të prekurve në vendin tonë ka shkuar në 832, në mesin e të cilëve 595 të shëruar dhe 31 viktima.
Në dy spitalet COVID po marrin shërbim 36 pacientë, 8 prej të cilëve në terapi intensive.
