Kreu i PR Fatmir Mediu , foli në Open për faktin se partia e tij ende nuk ka një marrëveshje me PD, ndërkohë që zgjedhjet e 25 prillit janë gjithnjë e më afër.
Çështja është tha ai “se si vota e PR të kthehet efektive për koalicionin”, por shtoi ai “mos më thuaj të jap atë që kam”.
Deri kur do e prisni Bashën? Në të kundërt do bashkoheni me të tjerë?
Sa më shpejt aq më mirë. PR ka një marrëdhënie me PD, ato që ju supozoni shpresoj të na bashkohen. Ose do bëjmë marrëveshje me PD ose do vazhdojmë vetëm. Por asnjë votë e jona s’do shkojë për Ramën.
“Nëse do të kenë mend për pazare, nuk jam fare optimist, po nëse duan të mundin qeverinë e Ramës atëherë besoj se do kemi një marrëveshje,” tha Mediu.
Kujtojmë se Partia Demokratike ka arritur disa ditë më parë marrëveshje me Agron Dukën i cili do të jetë në një nga tre vendet e para në Durrës, me Nard Ndokën i cili do të jetë në listat fituese në Shkodër si dhe me Dashamir Shehin që do të jetë në listat fituese në Tiranë.
Fatmir Mediu nuk kërkon vetëm një vend të sigurtë për veten e tij në listat e PD-së, por kërkon më shumë.
Ndërkohë LSI do të garojë e vetme me kandidatët e saj.
